Skólaheimsókn - Áhrif loftlagsbreytinga á norðlægum slóðum

Í liðinni viku fengum við í Framhaldsskólanum á Húsavík heimsókn frá skólanum Savukosken lukio í Finnlandi.

Hópurinn sem heimsótti okkur kom til landsins á styrk frá Erasmus+ og var yfirskrift verkefnisins áhrif loftlagsbreytinga á norðlægum slóðum.

Hópurinn samanstóð af nemendum, kennurum og skólastjórnanda.

Nemendur Framhaldsskólans á Húsavík og Savukosken lukio héldu kynningu þar sem þau fóru yfir áhrif loftlagsbreytinga í sínu nærumhverfi, í framhaldinu voru haldnir umræðuhópar þar sem niðurstöður voru bornar saman og þær loks kynntar. 

Gestirnir heimsóttu kennslustundir og fengu að kynnast almennu skólastarfi.

Farið var í jarðfræðiferð til Mývatnssveitar með gestina og nemendur okkar úr áfanganum AUUM1AU05(11) umhverfis- og auðlindafræði þar sem farið var í Dimmuborgir, Námaskarð, Grjótagjá, Fuglasafn Sigurgeirs, Daddi's pizza og Jarðböðin.

Heimsóknin var mjög vel heppnuð í alla staði og eiga nemendur okkar og starfsfólk mikið hrós skilið fyrir góðar móttökur.