Skólafundur Framhaldsskólans á Húsavík

Miklar samræður í gangi um félagsmálin

Árlegur skólafundur Framhaldsskólans á Húsavík var haldinn þriðjudaginn 12.október.

Nemendur og kennarar komu saman á sal og skólans ræddu ýmis mál sem hafa verið í umræðunni og brýnt er að fá svör við.

Í Framhaldsskólanum á Húsavík er lögð áhersla á nemendalýðræði og mikilvægi þess að skoðanir og sýn nemenda liti skólalífið og menninguna, hvort sem hún tengist náminu eða öðru.

Viðfangsefni fundarins að þessu sinni var félagslíf nemenda og vellíðan í tilefni alþjóðlega geðheilbrigðisdeginum sem haldinn var 10. október síðastliðinn.

Rætt var meðal annars um:

• hversu miklu máli skiptir félagslíf nemendur
• hver er tilgangurinn með félagslífi
• hvað vilja nemendur hafa í boði
• hvers konar félagslíf eflir geðið
• hvað hefur breyst í félagslífi nemenda í kjölfar samkomutakmarkana.
• hvaða tímasetningar henta nemendum til félagslífs
• hvaða tenging er milli öflugs félagslífs og andlegrar líðanar nemenda
• hvernig getur skólinn aðstoðað við það að auka vellíðan nemenda

Við hlökkum til að sjá niðurstöður úr hópavinnunni sem fór fram á fundinum og reiknum með að þær muni hafa áhrif á félagslífið á næstunni.

Hér má sjá hluta nemenda við sína vinnu