STAR1SÚ05(16) - Skólalok og útskrift

Í áfanganum fá nemendur fræðslu um þá möguleika sem bjóðast að loknu námi varðandi frekara nám, störf og áhugamál. Fjallað er um mismunandi búsetuform, færslu heimilisbókhalds, áætlanir um matarinnkaup, skipulagningu heimilishalds og fleira tengt því. Þá er fjallað um réttindi, ábyrgð og skyldur einstaklinga sem borgara og þátttakenda í lýðræðissamfélagi. Einnig er fjallað um þátt stéttarfélaga og hlutverk þeirra í samfélaginu auk þess sem nemendur læra að lesa og skilja launaseðla. Jafnframt undirbúa nemendur útskrift að vori, skipuleggja fjáröflun og sameiginlegt ferðalag.