LÍFS1SU05(17) - Sjálfsmynd

Sjálfsmynd

Einingafjöldi: 5
Þrep: 1
Í áfanganum er leitast við að styrkja nemandann bæði sem einstakling og námsmann og efla virkni hans í hópnum. Lögð er áhersla á að styrkja samkennd nemanda, efla tjáningarhæfni, sjálfstraust og öryggiskennd hans í skóla og utan. Fjallað er um mikilvægi þess að taka ábyrgð á náminu, hegðun, mætingu, neyslumynstri, fjármálum og almennri samfélagsþátttöku. Nemandinn heldur dagbók þar sem hann skrásetur og leggur mat á það sem gert er í lífsleikni. Einnig á nemandinn að vera með námsmöppur þar sem öllum verkefnum er safnað saman.

Þekkingarviðmið

  • mikilvægi þess að nýta hæfileika sína
  • mikilvægi sjálfstæðis og sjálfsábyrgðar í lýðræðissamfélagi
  • því að allir hafa hæfileika og þroskamöguleika
  • eigin tilfinningum og skoðunum
  • hugtakinu læsi í víðu samhengi
  • mikilvægi tjáningar og hlustunar
  • ýmsum aldurs- og áhugamiðuðum hugtökum
  • mismunandi tjáskiptaleiðum
  • tilfinningum sínum og styrkleikum
  • athöfnum daglegs lífs.

Leikniviðmið

  • vinna með öðrum
  • taka tillit til annarra
  • sýna samkennd
  • taka þátt í umræðum og tjá eigin skoðanir
  • nýta sér upplýsingar úr umhverfinu
  • tjá sig fyrir framan aðra
  • virða skoðanir annarra.

Hæfnisviðmið

  • vera meðvitaður um styrkleika sína
  • spyrja spurninga og hlusta á sjónarmið annarra af víðsýni
  • tileinka sér jákvætt hugarfar
  • nýta styrkleika sína á jákvæðan og uppbyggilegan hátt
  • nýta sér læsi í víðu samhengi
  • tjá eigin skoðanir
  • lesa í umhverfi, samskipti, tilfinningar og reglur í þeim tilgangi að átta sig á hvað er viðeigandi hverju sinni
  • skilja orð og hugtök sem tengjast tilfinningum sínum.
Nánari upplýsingar á námskrá.is