ÍSLE1TM05(16) - Tjáning

málskilningur, tjáning

Einingafjöldi: 5
Þrep: 1
Í áfanganum er unnið með alla þætti íslenskunnar með sérstakri áherslu á tjáningu. Unnið er að því að efla þekkingu, leikni og hæfni nemenda í notkun tjáskiptaleiða sem henta hverjum og einum. Megin áhersla er lögð á að viðhalda og byggja ofan á þann grunn sem nemendur búa þegar að. Ýmsum kennsluaðferðum og námsmatsþáttum er beitt, s.s. umræðum í litlum og/eða stórum hópum, framsagnarverkefnum, hugtakaverkefnum og fjölbreyttum verkefnum sem stuðla að því að styrkja sjálfstraust nemenda. Notast er við aldursmiðaðar bókmenntir, sjálfshjálparbækur, íslenska tónlist og fjölbreytt verkefni.

Þekkingarviðmið

  • samskiptaleið sem hentar viðkomandi
  • skoðanafrelsi og/eða tjáningarfrelsi einstaklinga
  • mikilvægi þess að láta skoðanir sínar í ljós og hlusta á sjónarmið annarra.

Leikniviðmið

  • tjá sig fyrir framan nemendahópinn
  • virða skoðanir annarra
  • taka þátt í umræðum og tjá eigin skoðanir
  • leggja mat á eigin verkefni og/eða frammistöðu.

Hæfnisviðmið

  • vera meðvitaður um styrkleika sína
  • spyrja spurninga og hlusta á sjónarmið annarra af víðsýni
  • bera virðingu fyrir skoðunum annarra
  • kynna sjálfan sig með fullu nafni og svara spurningum um fyrirfram ákveðið viðfangsefni
  • bíða eftir að röðin komi að honum.
Nánari upplýsingar á námskrá.is