EFNA2AE05(21) - Almenn efnafræði - efnismagn og efnahvörf

Í áfanganum er fjallað um atómið í framhaldi af EFEÐ1EE05(11). Áhersla er lögð á notkun lotukerfisins til að finna öreindafjölda atóma, rafeindaskipan og til að spá fyrir um gerðir efnatengja milli efnapara. Lagður er grunnur að skilningi á mólhugtakinu og notkun þess í tengslum við efnajöfnur. Fjallað er um leysni og leysnihugtakið og styrkur lausna fundinn á mismunandi hátt. Þrír meginflokkar efnahvarfa eru kynntir í áfanganum. Lögð er áhersla á að tengja námsefnið reynsluheimi nemenda. Nemendur skulu kynnast viðfangsefninu á sem fjölbreyttastan hátt, s.s. með sjálfstæðri verkefnavinnu, hópvinnu, notkun upplýsingatækni og verklegum æfingum.