SÁLF2ÞS05(21) - Þroskasálfræði

Í áfanganum er fjallað um þroskaferil manneskunnar frá fæðingu til grafar. Sérstaklega er tekinn fyrir þroski tilfinninga, félagslegra samskipta, hugsunar og greindar. Áhersla er lögð á þroska sjálfsmyndarinnar og hvernig hún mótast með aldrinum. Einnig er vikið að þroskahömlunum og þær skoðaðar út frá líffræðilegu og sálfræðilegu sjónarhorni. Nemendur æfa sig í að skoða eigin þroska út frá mismunandi þroskakenningum og greina þá þætti sem hafa mótað þá í lífinu. Nemendur fá æfingu í að rökræða álitamál á borð við barneignir táninga, fóstureyðingar og starfslok. Mótunaráhrif fjölskyldu og vina eru skoðuð og komið inn á vandamál barna og unglinga, t.d. af geðrænum, tilfinningalegum, líkamlegum, námslegum og hegðunarlegum toga. Ýmis viðfangsefni áfangans mótast af áhuga nemenda hverju sinni og eru því breytileg.