Íþróttir V17

Íþróttatímar eru í Íþróttahöll, ýmist í aðalsal, litla salnum eða í þreksal.  Íþróttir eru allar í stokkum og er hægt að velja um tíma í A, B, C eða D stokk.

Íþróttir á fyrsta námsári eru bæði bóklegar og verklegar.  Nemendur á fyrsta námsári skulu mæta í íþróttatíma í íþróttahöll en nemendur sem komnir eru lengra í námi eiga þess kost að stunda sínar íþróttir utan íþróttatíma í töflu.  Óski þeir slíks, skulu þeir hafa samband við Ingólf Freysson íþróttakennara og gera áætlun í samráði við hann um hvernig skilyrði um íþróttir verða uppfyllt. 

Nemendum, sem æfa íþróttagrein á vegum íþróttafélagsins Völsungs, gefst kostur á að skrá sig í afreksíþróttir.  Hver áfangi í afreksíþróttum gefur tvær einingar og gilda þær sem val í námsferli nemenda.  Þeir nemendur sem vilja skrá sig í afreksíþróttir skulu hafa samband við Ingólf Freysson hið allra fyrsta.  Afreksíþróttir munu lenda í A, B, C eða D-stokki á hvorönn 2017 en síðar verður auglýst hver þessara stokka verður fyrir valinu. 

Athugið að aðrir nemendur geta verið í íþróttum á sama tíma og afreksíþróttahópur.

Einhverjir nemendur eru í árekstri í íþróttum og gildir þá sú regla að nemendur mæta í íþróttatíma, nema þeir hafi gert samning við íþróttakennara um að stunda íþróttir utan stundatöflu.  Athugið að áfanga í íþróttum er ekki hægt að ná nema sýnt hafi verið fram á ástundun.  Þeir sem lenda í íþróttaárekstri skulu þó einnig hafa samband við þann kennara sem íþróttirnar lenda í árekstri við, og láta hann vita af árekstrinum.

Þeir sem ekki hafa fengið íþróttir í töflu snúi sér til aðstoðarskólameistara.

Kennsluvefur