Nemendafélag FSH

Húslestur 22.11.2017

10. tbl. 27. árgangur miðvikudaginn 22. nóvember 2017.  Ritstj. og ábm. Halldór Jón Gíslason

Efni:

1. Fjórða fjarvistatalning annarinnar.  Viðmið er 92% mæting.  Þeir sem eru undir viðmiðinu fá sent bréf frá skólanum eða forráðamenn þeirra hafi þeir ekki náð 18 ára aldri.
Hér má sjá hvernig skoða má viðveru í Innu.
Mætingarreglur FSH

2. Vali fyrir vorönn 2018 er lokið.  Þeim, sem hugsanlega gleymdu að velja, er bent á að hafa samband við aðstoðarskólameistara.

3. Próftafla haustannar 2017 liggur nú fyrir og er orðin endanleg.  Hér má sjá prófreglur FSH.

4. Frestur til að sækja um sérúrræði í prófum rann út 20. nóvember. Með sérúrræðum er t.d. átt við lengri próftíma, fámenna prófstofu og lituð prófblöð. Ef einhverjir eiga enn eftir að sækja um sérúrræði, er þeim bent á að hafa samband við námsráðgjafa hið snarasta.  Ekki verður hægt að bregðast við óskum um fámennar prófstofur sem berast eftir föstudaginn 24. nóvember.

5. Innritun fyrir vorönn 2018 lýkur 30. nóvember.  Þeir, sem hafa valið í Innu fyrir næstu önn þurfa ekki að innrita sig sérstaklega.

6. Brautaskipti:  Nemendur, sem vilja skipta um braut, t.d. af almennri braut yfir á stúdentsbraut, þurfa að hafa samband við aðstoðarskólameistara sem allra fyrst.

7. Kennsla á vorönn 2018 hefst fimmtudaginn 4. janúar skv. stundaskrá. Skrifstofan opnar kl. 8:15 miðvikudaginn 3. janúar.  Töflubreytingar verða auglýstar í fyrsta Húslestri næsta árs.