Nemendafélag FSH

Húslestur 1. 4. 2016

4. tbl. 26. árgangur mánudaginn 1. apríl 2016.  Ritstj. og ábm. Jóney Jónsdóttir

Efni:

1. Þriðja fjarvistatalning annarinnar. Viðmið er 94% mæting.  Þeir sem eru undir viðmiðinu fá sent bréf frá skólanum eða forráðamenn þeirra hafi þeir ekki náð 18 ára aldri.  Mætingarreglur FSH.

2. Vali fyrir haustönn 2016 er lokið. Þeim sem hafa ekki valið, en vilja vera í námi á næstu önn, er bent á að hafa samband við aðstoðarskólameistara sem fyrst. 

3. Endanleg próftafla vorannar 2016 liggur nú fyrir. Hér má sjá prófreglur FSH.

4. Nemendum, sem þjást af prófkvíða eða telja sig þurfa á sérúrræðum að halda við fyrirlögn prófa, er bent á að hafa samband við námsráðgjafa sem allra fyrst og alls ekki síðar en 20. apríl.

5. Umsókn um einingar fyrir félagsstörf.  Hægt er að sækja um einingar fyrir félagsstörf skv. reglum um námsmat.  Nemendum er bent á að kynna sér reglurnar vel!  Sótt er um í tölvupósti til aðstoðarskólameistara.  Umsóknarfrestur er til 25. apríl.

6. Innritun eldri nemenda, fæddra 1999 eða fyrr, fyrir haustönn 2016 hefst 1. apríl og lýkur 10. júní.  Nemendur á vorönn 2016, sem hafa valið í Innu fyrir næstu önn, þurfa ekki að innrita sig sérstaklega.

7. Brautaskipti:  Nemendur, sem vilja skipta um braut, t.d. af almennri braut yfir á stúdentsbraut, þurfa að hafa samband við aðstoðarskólameistara sem allra fyrst.