Húsnæði V14

Húsnæði skólans
Skrifstofa skólans er framan við kennaraálmu og þar hafa ritari og fjármálastjóri aðsetur.  Í kennaraálmu eru skrifstofur skólameistara, aðstoðarskólameistara, námsráðgjafa og skólahjúkrunarfræðings. Þar er einnig kennarastofa og vinnuherbergi kennara.  Þó er vinnuherbergi Gunnars Baldurssonar við hliðina á stofu 9.  Nemendur eru beðnir að virða viðtalstíma kennara.  Notfærið ykkur pósthólf  þeirra sem eru á ganginum framan við skrifstofu skólans.  Þau er sérstaklega ætluð fyrir nemendur sem þurfa að koma skilaboðum til kennara eða skila verkefnum.
Umsjónarmaður húsnæðis er með aðstöðu í herbergi gegnt skólaskrifstofu. Bókasafn er á efri hæð skólans, fyrir ofan aðalinngang nemenda.  Kerfisstjóri er með skrifstofu í kjallara kennaraálmu. Aðstaða nemenda, t.d. mat- og setustofa, er í kjallara í aðalkennsluálmu.

Kennslustofurnar
Stofur 1, 2, 3, 4 og 5 eru á efri hæð í aðalkennsluálmu, 1, 2 og 3 nær anddyri.
Stofur 6, 7, 8 og 9 (raungreinastofa) eru á jarðhæð í kennsluálmu, stofa 6 næst anddyri en stofa 9 fjærst.  Stofa 6 verður lítið notuð fyrir kennslu í vetur.  Þó verður áfanginn NÁM190 kenndur þar kl. 10:20-11:20 á mánudagsmorgnum en að öðru leyti er stofa 6, ásamt bókasafni, hentug þeim sem vilja ljúka heimanámi í skólanum.
Stofur 11 (kvikmyndastofa) og 12  (myndmenntastofa) eru í kjallara kennaraálmu.
Stofa 10 er fyrir ofan nemendainngang, við hliðina á bókasafninu og verður eingöngu ætluð nemendum á starfsbraut í vetur.
Stofa ÍÞ er í íþróttahúsi.
Stofa 1 er tölvustofa.  Stofan er opin nemendum þegar engin kennsla fer þar fram.  Þá hafa nemendur tækifæri til vinna þar verkefni sem tengjast skólanum. Forsenda þess að hægt sé að hafa stofuna opna er að allir nemendur gangi vel um og hlíti öllum þeim umgengnisreglum sem settar eru.  Við stofuna er auglýsing um opnunartíma og umgengnisreglur.

Athygli er vakin á því að innangengt er milli nemendaaðstöðu í kjallara og stofa 11 og 12.  Nemendur eru vinsamlegast beðnir um að nota þessa leið í stað þess að fara gegnum kennaraálmuna.

 

Skólasóknarreglur