Nemendafélag FSH

Húslestur 15.9.2014

7. tbl. 24. árgangur mánudaginn 15. september 2014.  Ritstj. og ábm. Herdís Þ. Sigurðardóttir

Efni:

1. Fyrsta fjarvistatalning annarinnar.  Viðmið er 98% mæting.  Þeir sem eru undir viðmiðinu fá sent bréf frá skólanum eða forráðamenn þeirra hafi þeir ekki náð 18 ára aldri. Því miður hefur mæting það sem af er haustönn verið heldur verri en vant er í upphafi annar. Nemendur eru hvattir til að mæta vel það sem eftir er annar enda er sterkt samband á milli góðra einkunna og góðrar mætingar.
Hér má sjá hvernig skoða má viðveru í Innu.
Mætingarreglur FSH

2. Val fyrir vorönn 2015 hefst í dag og lýkur þriðjudaginn 28. október nk.  Hægt er að skila athugasemdum við valframboð til aðstoðarskólameistara fram til 3. október.  Umsjónartími vegna valsins verður miðvikudaginn 22. október en þá munu umsjónarkennarar leiðbeina þeim sem þurfa aðstoð.  Ætlast er til að nýnemar fæddir 1998 komi í þennan umsjónartíma nema þeir séu búnir að velja áður með aðstoð umsjónarkennara..  Leiðbeiningar um val í Innu er að finna hér.
Ath. að þeir sem ekki skila vali í Innu verða ekki með í stundatöflugerð fyrir vorönn 2015.  Þannig gildir valið sem umsókn um skólavist.
Umsjónarkennarar geta kallað á einstaka nemendur eða hóp nemenda í viðtalstíma vegna vals, þ.m.t. á fundartíma kl. 15:20 á miðvikudögum.
Upplýsingar um námsbrautir skólans
Kjörsviðsreglur stúdentsbrauta
Undanfarareglur áfanga.
Athugið vel að það að áfangi sé í boði þýðir ekki endilega að hann verði kenndur.  Eftir því sem fleiri velja áfanga aukast líkurnar á að hann verði kenndur.
Endanlegt valframboð mun liggja fyrir mánudaginn 6. október
Drög að valframboði er að finna hér.

3. Brautaskipti:  Nemendur, sem vilja skipta um braut þurfa að hafa samband við aðstoðarskólameistara sem allra fyrst.