Nemendafélag FSH

Fréttir

08. apríl 2016

Vertu næs!

Góðir gestir heimsóttu skólann á miðvikudag. Það voru Juan og Anna frá Rauða krossinum sem fluttu á sal afar þarft og gott erindi. En Rauði krossinn stendur þessi misserin fyrir átakinu Vertu næs. Í því felst að við lítum öll í eigin barm og skoðum hvernig við getum lagt okkar af mörkum til að taka vel á móti þeim innflytjendum sem kjósa að búa með okkur hér á Íslandi.

17. mars 2016

Gleðilegt páskafrí!

Páskaleyfi hefst að lokinni kennslu föstudaginn 18. mars. Skólinn hefst aftur miðvikudaginn 30. mars samkvæmt stundaskrá.

08. mars 2016

Innritun

Dagana 4. mars - 10. apríl fer fram forinnritun 10. bekkinga á síðunni menntagatt.is. Allir 10. bekkingar á Íslandi eiga að hafa fengið upplýsingar um forinnritun afhentar í sínum grunnskólum. Foreldrar og forráðamenn eiga sömuleiðis að hafa fengið sendar upplýsingar heim um innritunina.

24. febrúar 2016

Drög að próftöflu V16

Drög að próftöflu vorsins eru komin á heimasíðuna. Athugasemdir þurfa að berast aðstoðarskólameistara fyrir 1. apríl.

15. febrúar 2016

Foreldrar 10. bekkinga í Norðurþingi!

Kynningarfundur fyrir foreldra 10. bekkinga í Norðurþingi verður haldinn í FSH í kvöld 15. febrúar kl. 20. Þar munu stjórnendur, starfandi námsráðgjafi, félags- og forvarnarfulltrúi ásamt stjórn nemendafélagsins kynna starfsemi skólans.

15. febrúar 2016

Tæknismiðjan!

Í síðustu viku var opið hús í kjallara FSH þar sem Tæknismiðjan er til húsa. Þar var hægt að sjá laserskurðarvél og þrívíddarprentara að störfum ásamt því að kynna sér örgjörvatölvur. Búið er að halda námskeið fyrir fullorðna í smiðjunni og nemendur í hönnunaráfanga nota aðstöðuna.

12. febrúar 2016

Viðurkenning frá Íslandsdeild Amnesty International

Síðasta þriðjudag veitti Íslandsdeild Amnesty International FSH mannréttindaviðurkenningu fyrir framúrskarandi árangur í bréfamaraþoni samtakanna í þágu virðingar og verndar mannréttinda. Hér má sjá stjórn NEF með viðurkenningarsköldinn fyrir 1. sætið í ,,Bréf til bjargar lífi.

09. febrúar 2016

Umsókn um jöfnunarstyrk á vorönn 2016

Umsóknarfrestur vegna vorannar 2016 er til 15. febrúar nk. Nemendur geta sótt um styrkinn í gegnum Mitt svæði hjá LÍN í heimabankanum, island.is eða Innu, vefkerfi framhaldsskólanna. Sjá nánar á http://www.

26. janúar 2016

Nýr aðstoðarskólameistari við FSH!

Herdís Þ. Sigurðardóttir er í árs leyfi frá störfu. Í hennar stað hefur verið ráðin Jóney Jónsdóttir íslenskukennari. Um leið og við bjóðum Jóneyju velkomna í starf aðstoðarskólameistara óskum við Herdísi velfarnaðar í nýju starfi.

12. janúar 2016

Gettu betur!

Nemendur FSH keppa í Gettu betur í kvöld við Menntaskólann við Sund. Liðið skipa þau Eggert Þórarinsson, Óskar Páll Davíðsson og Nanna Sigurjónsdóttir. Við sendum þeim okkar bestu strauma og vitum að þau gera sitt besta.

11. janúar 2016

Nýnemar FSH í skemmtilegu samstarfsverkefni

Tíu nemendur úr FSH eru nú í Reykjavík í tengslum við skemmtilegt verkefni ,,Connecting Coastal Communities." Verkefnið er samstarfverkefni nemenda á Húsavík og nemenda í New Bedford sem þau vinna í samstarf við Hvalasafnið á Húsavík og Hvalaveiðisafnið í New Bedford Massachusetts.

06. janúar 2016

Skyndihjálp í FSH!

Námskeið í skyndihjálp (SKY101): Stefnt er að því að halda námskeið í skyndihjálp 1.-4. febrúar næstkomandi. Kennt verður kl. 16:30-19:30 alla dagana. Allir þeir sem ekki hafa setið námskeiðið áður eru hvattir til að skrá sig enda er kunnátta í skyndihjálp mikilvæg og oft er óskað eftir henni þegar ráðið er í ýmis störf.

04. janúar 2016

Gleðilega vorönn 2016!

Kæru nemendur! Við kennarar og starfsfólk FSH hlökkum til að sjá ykkur á morgun. Töflubreytingar verða í boði kl. 8:15-16:00 þriðjudag til fimmtudags og kl. 8:15-14:00 á föstudag. Við biðjum ykkur um að koma undirbúin í töflubreytingar.

30. desember 2015

Upphaf vorannar 2016

    Kennsla á vorönn 2016 hefst samkvæmt stundaskrá þriðjudaginn 5. janúar. Skrifstofa skólans opnar kl. 8:00 mánudaginn 4. janúar.  Nýnemum og endurinnrituðum er bent á að sækja stundaskrár sínar til ritara þann dag.

19. desember 2015

Jólaleyfi!

Nú eru nemendur og flestir starfsmenn farnir í jólaleyfi. Vorönn 2016 hefst á starfsdegi 4. janúar og kennsla hefst samkvæmt stundaskrá þriðjudaginn 5. janúar. Gleðilega jólahátíð og kærleiksríkt komandi ár.

08. desember 2015

Prófatíð í FSH!

Þá eru prófin hafin í FSH. Í morgun voru fystu prófin lögð fyrir og síðasti prófadagur er 16. desember. Sjúkra- og endurtökupróf verða 17. desember. Prófsýning verður föstudaginn 18. desember milli 10 og 11.

12. nóvember 2015

Trefjaríkt, hollt og gott nesti!

Í morgun stóð heilsuráð FSH fyrir matar ,,workshop" í skólanum. Rakel Dögg Hafliðadóttir forsprakki heilsuráðs talaði við nemendur um mikilvægi þess að vera með trefjaríkt, hollt og gott nesti. Nemendur og starfsfólk hjálpuðust svo að við að útbúa, og borða, næringarríka hristinga og samlokur.