Erling Erlingsson, framkvæmdastjóri Iðnú bókaútgáfu heimsótti skólann í dag og með honum í för var Baldur Gíslason, skólameistari Iðnskólans í Reykjavík og stjórnarformaður Iðnú. Þeir komu til að hitta kennara og stjórnendur í spjalli á kennarastofunni og fá að heyra álit okkar á starfsemi Iðnú og fá ábendingar um áherslur, hvort vöntun væri á kennsluefni í einhverjum greinum/áföngum og brýnustu verkefni í næstu framtíð.
Séra Gylfi Jónsson héraðsprestur Þingeyinga heimsótti FSH 8. mars sl. og kynnti hjálparstarf kirkjunnar fyrir nemendum skólans. Hann kom víða við í fróðlegu erindi og eftir sitja upplýsingar hans um að hve miklu gagni tiltölulega lágar upphæðir geta orðið í fátækum þróunarlöndum.
Árshátíð FSH var haldin á Hótel Húsavík s.l. föstudagskvöld. Þetta var vel heppnað kvöld þar sem Jón Gnarr sá um veislustjórnina. Dagskráin var fjölbreytt en hefðbundin atriði voru þarna eins og kosning "Herra og ungfrú árshátíðar".
Í gærkveldi fór fram söngvakeppni FSH sem er forkeppni fyrir Söngvakeppni framhaldsskólanna. Óvenju margir þátttakendur voru í keppninni að þessu sinni og áhorfendur voru margir. Atriðin voru öll mjög góð og var erfitt fyrir dómnefnd að velja á milli keppenda.
Nú er lokið árvissri ræðukeppni á milli nemenda og kennara á Dillidögum. Umræðuefnið var, hvort banna ætti reykingar á veitinga- og skemmtistöðum. Í liði kennara voru Björgvin Leifsson og Bára Bryndís Sigmarsdóttir og mæltu þau gegn banni við reykingum, meðan lið nemenda þeir Andri Valur Ívarsson og Heiðar Kristjánsson mæltu með banni við reykingum.
Nemendur í atvinnufræði eru að vinna að verkefni sem felst í því að stofna og reka nemendafyrirtæki. Þau hafa stofnað fyrirtæki sem starfar við bílaþvott. Fyrirtækið er með aðstöðu í skemmu SAH. Þeir sem vilja fá þvott geta haft samband við Rafnar í síma 866-8902 eða Sveinbjörn í síma 846-0513. Hægt er að skoða heimasíðu fyrirtækisins á slóðinni http://www.
Frábæri leiklistarklúbburinn okkar Píramus og Þispa frumsýndi á laugardagskvöldið leikritið Stræti eftir Jim Cartwright. Leikstjóri sýningarinnar er Margrét Sverrisdóttir. Ég skellti mér á sýningu á sunnudaginn og hafði mjög gaman af.
Leikfélag FSH, Pýramus og Þispa, hefur undanfarnar vikur verið að æfa leikritið Stræti eftir Jim Cartwright. Hann samdi líka leikritið Bar par sem Leikfélag Akureyrar sýndi fyrir nokkrum árum.Leikritið fjallar um líf fólks við götu eina, í þorpi á Norður Englandi.
Fimmtudaginn 3. febrúar kynnti Oddný Hafberg, verkefnisstjóri um breytta skipan náms til stúdentsprófs, stöðu verkefnisins fyrir fræðslunefnd, forstöðumönnum á fræðslusviði og bæjaryfirvöldum á Húsavík.
Þorgerður Katrín Gunnarsdóttir menntamálaráðherra og fylgdarlið hennar úr ráðuneytinu, þau Oddný Hafberg, Þorbjörg Helga Vigfúsdóttir og Karl Kristjánsson, heimsóttu FSH í gær. Þau áttu ágætan fund með starfsfólki skólans, stjórn nemendafélagsins og skólanefnd.
Þorgerður Katrín Gunnarsdóttir menntamálaráðherra hefur boðað komu sína í FSH 3. febrúar n.k. Erindið er að kynna skýrslu um styttingu náms til stúdentsprófs fyrir starfsfólki, skólanefnd og stjórn nemendafélags skólans og fá viðbrögð þeirra við henni.
Í byrjun desember skipaði menntamálaráðherra nýja skólanefnd við FSH. Í henni sitja Guðrún Árný Guðmundsdóttir, Snædís Gunnlaugsdóttir og Tryggvi Finnsson tilnefnd af ráðherra, Erna Björnsdóttir og Trausti Aðalsteinsson tilnefnd af Húsavíkurbæ.
Framhaldsskólinn tekur nú þátt í spurningarkeppni framhaldsskólanna. Lið FSH skipa þeir Eiríkur Fannar Jónsson, Björgvin Friðbjarnarson og Halldór Fannar Júlíusson. Liðið hefur æft stíft undanfarið undir stjórn Kjartans Ólasonar.
20. desember lauk formlegu skólastarfi á haustönn með einkunnaafhendingu og prófsýningu. Jólafríið var kærkomið til að hvílast og endurnæra líkama og sál fyrir næstu lotu á vorönn 2005. Sex nemendur luku stúdentsprófi á önninni og fimm þeirra þar með á sjö önnum eða þremur og hálfu skólaári.
Í dag á síðasta prófdegi, opnum við nýja heimasíðu FSH. Hún er hönnuð af starfsmönnum Arkar ehf. þeim Arngrími Arnarsyni og Hróbjarti Sigurðssyni. Arngrímur er stúdent frá FSH og stundar framhaldsnám í Danmörku.
