Nemendafélag FSH

Fréttir

22. febrúar 2005

Nemendafyrirtæki í FSH

Nemendur í atvinnufræði eru að vinna að verkefni sem felst í því að stofna og reka nemendafyrirtæki. Þau hafa stofnað fyrirtæki sem starfar við bílaþvott. Fyrirtækið er með aðstöðu í skemmu SAH. Þeir sem vilja fá þvott geta haft samband við Rafnar í síma 866-8902 eða Sveinbjörn í síma 846-0513. Hægt er að skoða heimasíðu fyrirtækisins á slóðinni http://www.

15. febrúar 2005

Búið að frumsýna Stræti

Frábæri leiklistarklúbburinn okkar Píramus og Þispa frumsýndi á laugardagskvöldið leikritið Stræti eftir Jim Cartwright. Leikstjóri sýningarinnar er Margrét Sverrisdóttir. Ég skellti mér á sýningu á sunnudaginn og hafði mjög gaman af.

08. febrúar 2005

Pýramus og Þispa

Leikfélag FSH, Pýramus og Þispa, hefur undanfarnar vikur verið að æfa leikritið Stræti eftir Jim Cartwright. Hann samdi líka leikritið Bar par sem Leikfélag Akureyrar sýndi fyrir nokkrum árum.Leikritið fjallar um líf fólks við götu eina, í þorpi á Norður Englandi.

07. febrúar 2005

Oddný Hafberg fundar með Húsvíkingum í FSH

Fimmtudaginn 3. febrúar kynnti Oddný Hafberg, verkefnisstjóri um breytta skipan náms til stúdentsprófs, stöðu verkefnisins fyrir fræðslunefnd, forstöðumönnum á fræðslusviði og bæjaryfirvöldum á Húsavík.

04. febrúar 2005

Fundað með menntamálaráðherra

Þorgerður Katrín Gunnarsdóttir menntamálaráðherra og fylgdarlið hennar úr ráðuneytinu, þau Oddný Hafberg, Þorbjörg Helga Vigfúsdóttir og Karl Kristjánsson, heimsóttu FSH í gær. Þau áttu ágætan fund með starfsfólki skólans, stjórn nemendafélagsins og skólanefnd.

01. febrúar 2005

Menntamálaráðherra heimsækir FSH

Þorgerður Katrín Gunnarsdóttir menntamálaráðherra hefur boðað komu sína í FSH  3. febrúar n.k. Erindið er að kynna skýrslu um styttingu náms til stúdentsprófs fyrir starfsfólki, skólanefnd og stjórn nemendafélags skólans og fá viðbrögð þeirra við henni.

24. janúar 2005

Ný skólanefnd FSH

Í byrjun desember skipaði menntamálaráðherra nýja skólanefnd við FSH. Í henni sitja Guðrún Árný Guðmundsdóttir, Snædís Gunnlaugsdóttir og Tryggvi Finnsson tilnefnd af ráðherra, Erna Björnsdóttir og Trausti Aðalsteinsson tilnefnd af Húsavíkurbæ.

11. janúar 2005

Spurningakeppni framhaldsskólanna

Framhaldsskólinn tekur nú þátt í spurningarkeppni framhaldsskólanna. Lið FSH skipa þeir Eiríkur Fannar Jónsson, Björgvin Friðbjarnarson og Halldór Fannar Júlíusson. Liðið hefur æft stíft undanfarið undir stjórn Kjartans Ólasonar.

20. desember 2004

Haustannarlok

20. desember lauk formlegu skólastarfi á haustönn með einkunnaafhendingu og prófsýningu. Jólafríið var kærkomið til að hvílast og endurnæra líkama og sál fyrir næstu lotu á vorönn 2005. Sex nemendur luku stúdentsprófi á önninni og fimm þeirra þar með á sjö önnum eða þremur og hálfu skólaári.

17. desember 2004

Nýja heimasíðan

Í dag á síðasta prófdegi, opnum við nýja heimasíðu FSH. Hún er hönnuð af starfsmönnum Arkar ehf. þeim Arngrími Arnarsyni og Hróbjarti Sigurðssyni. Arngrímur er stúdent frá FSH og stundar framhaldsnám í Danmörku.

03. desember 2004

Samræmt stúdentspróf

Í morgun fór fram fyrsta samræmda stúdentsprófið í FSH. Prófað var í íslensku og þrír nemendur tóku prófið, þau Helga Ragnarsdóttir, Ómar Annisius og Sandra Kristinsdóttir. Allir nemendur sem ljúka stúdentsprófi frá og með árinu 2005 þurfa að taka tvö samræmd stúdentspróf, í íslensku og annað hvort ensku eða stærðfræði.

02. desember 2004

Fullveldissamkoma

Skólarnir á Húsavík efndu til fullveldissamkomu í Íþróttahöllinni . Húsfyllir var og auk nemenda og kennara mátti sjá fjölda annarra bæjarbúa. Þar komu fram nemendur úr öllum skólunum og fluttu ljóð og laust mál, tónlist og sungu af hjartans lyst.

18. nóvember 2004

Þátttaka nemenda FSH í Ólympíuleikunum í nýsköpun

Tveir nemendur frá FSH, þeir Halldór Jón Gíslason og Eiríkur Fannar Jónsson tóku þátt í Ólympíuleikunum í nýsköpun sem fram fóru á Akureyri, en keppnin byrjaði  í gær 17.nóv og lauk núna í dag kl. 11:00.  Auk þeirra voru í Íslenska liðinu nemendur frá MA og VMA.