Fréttir

30. janúar 2019

Jöfnunarstyrkur

Jöfnunarstyrkur Sækir þú nám fjarri lögheimili og fjölskyldu? Kynntu þér reglur um námsstyrki og leiðbeiningar um skráningu á www.lin.is Eingöngu er hægt að sækja um jöfnunarstyrkinn með rafrænum skilríkjum á heimasíðu okkar www.

29. janúar 2019

Síðbúinn bóndadagur

Föstudaginn 1. febrúar verður síðbúni bóndadagurinn haldinn í FSH. Bóndi FSH árið 2019 verður krýndur. Allir að taka fram ullarsokkana, ullarpeysurnar, vinnugallana og gúmmískóna og mæta eins og alvöru bóndi í skólann á föstudaginn næsta.

13. desember 2018

Nemendur athugið

Vegna notkunar á skólanum föstudagskvöldið 14.des þá verður lokað fyrir nemendur sem verða í húsinu að læra klukkan 21:30 og því verða allir að vera farnir út fyrir þann tíma. Ef nemendur hafa hug á að nýta sér aðstöðu skólans um næstu helgi til að læra þá geta þeir haft samband við Gunnu sem opnar fyrir þeim.

13. september 2018

Bindadagur

Á morgun, föstudaginn 14. september ætlum við að hafa bindadag hér í FSH. Verðlaun fyrir alla þá sem mæta með bindi. Við hvetjum alla til að mæta með bindi á morgun í skólann sama hvort um nemanda eða starfsmann er að ræða.

13. september 2018

Nýnemavígsla

Félagslífið byrjaði af krafti þetta skólaárið, eldri nemendur tóku á móti nýnemum á þeirra fyrsta skóladegi og þeirra beið dagskrá full af fjöri. Fyrsti dagskrárliðurinn var limbó og þar á eftir fylgdi bandýmót og hraðstefnumót svo fátt eitt sé nefnt.

16. ágúst 2018

Nýr skólameistari við FSH

Valgerður Gunnarsdóttir hefur verið ráðin skólameistari FSH. Valgerður starfaði á árunum 1987-1999 sem kennari við FSH, áður en hún flutti sig sem skólameistari að Framhaldsskólanum á Laugum og síðan sem alþingismaður frá 2013-2017. Valgerður hefur lokið BA námi í íslensku og bókmenntafræði frá Háskóla Íslands og uppeldis- og kennslufræðum frá Háskólanum á Akureyri.

22. júní 2018

Sumarleyfi

Skrifstofa skólans lokar kl. 14:00 föstudaginn 22. júní og opnar aftur eftir sumarleyfi þriðjudaginn 7. ágúst. Framhaldsskólinn á Húsavík óskar nemendum sínum, starfsfólki og öðrum velunnurum gleðilegs sumars.

29. maí 2018

Frá brautskráningu 2018

Laugardaginn 26. maí sl. var 21 stúdent útskrifaður frá Framhaldsskólanum á Húsavík við hátíðlega athöfn í Húsavíkurkirkju. Dagskrá útskriftar stýrði Ingólfur Freysson kennari.  Tónlistarflutningur var bæði í höndum kennara við Tónlistarskóla Húsavíkur og nemenda FSH en kennararnir Andres Olema og Liisa Allik sáu um forspil auk þess sem þau fluttu eistneskt popplag og nemendurnir Guðrún María Guðnadóttir og nýstúdent Ágúst Þór Brynjarsson fluttu þrjú lög.

24. maí 2018

Brautskráning 2018

Brautskráning nemenda fer fram í Húsavíkurkirkju laugardaginn 26. maí kl. 14.  Allir velunnarar skólans eru hjartanlega velkomnir.  Að athöfn lokinni verður boðið upp á kaffiveitingar á kennarastofu Framhaldsskólans.

23. maí 2018

Prófsýning

Við minnum á prófsýningu fimmtudaginn 24.maí klukkan 10:00 - 11:00 í sal skólans.

11. maí 2018

Opnunartími í prófatíð

Í prófatíð verður skólinn opinn frá kl. 8:00-22:00 á virkum dögum en kl. 11:00-22:00 laugardaga og sunnudaga sem og annan í hvítasunnu. Hér er nákvæmari listi yfir opnunartíma: föstudagur 11. maí: 8-22 laugardagur 12. maí: 11-22 sunnudagur 13. maí: 11-22 mánudagur 14. maí: 8-22..

11. maí 2018

Heilsunuddbraut í samstarfi við FÁ

Framhaldsskólinn á Húsavík vinnur um þessar mundir að uppsetningu heilsunuddbrautar í samstarfi við Fjölbrautaskólann við Ármúla. Ráðgert er að hefja kennslu á brautinni á haustönn 2018. HÉR má finna upplýsingar um brautina.