Nemendafélag FSH

Fréttir

23. júní 2017

Sumarleyfi

Vegna sumarfrís verður skrifstofu Framhaldsskólans á Húsavík lokað í dag, föstudaginn 23. júní, kl. 13. Opnað verður aftur þriðjudaginn 8. ágúst kl. 8.  Brýn erindi má senda skólameistara í netfangið joney@fsh.

19. júní 2017

Fjarnám

Framhaldsskólinn á Húsavík býður upp á fjarnám í nær öllum áföngum. Hægt er að skrá sig í fjarnám fram til 23. júní og aftur eftir að skrifstofan opnar 8. ágúst. Beiðni um skráningu í fjarnám skal senda í netfangið herdis@fsh.

16. júní 2017

Sumarfrí

Skrifstofa Framhaldsskólans á Húsavík lokar föstudaginn 23. júní og opnar aftur þriðjudaginn 8. ágúst. Svör vegna umsókna munu berast í næstu viku. Skólastarf hefst aftur föstudaginn 18. ágúst. Brýn erindi má senda skólameistara í netfangið joney@fsh.

01. júní 2017

30 nemendur útskrifaðir

Á laugardaginn brautskráði Framhaldsskólinn á Húsavík 30 nemendur við hátíðlega athöfn í Húsavíkurkirkju að viðstöddu fjölmenni. Þetta var 30. brautskráning skólans. Í fyrsta sinn útskrifaði skólinn nemendur af námsbrautum samkvæmt nýrri námskrá en hluti nemenda útskrifaðist samkvæmt henni og hluti af þeirri eldri.

27. maí 2017

Brautskráning

Brautskráning verður í Húsavíkurkirkju í dag kl. 14:00. Að þessu sinni útskrifast 30 nemendur. Allir velkomnir.

23. maí 2017

Fyrirlestur um hagi og líðan ungs fólks

Hagir og líðan ungs fólks í Norðurþingi   Fræðslufundur um hagi, venjur, líðan, og heilsu ungmenna í Norðurþingi verður haldinn í sal Borgarhólsskóla í kvöld, þriðjudaginn 23. maí kl. 20:00. Jón Sigfússon sérfræðingur hjá Rannsóknum og greiningu segir frá niðurstöðum kannana sem lagðar voru fyrir ungmenni í grunnskólum Norðurþings og FSH á skólaárinu 2016-2017.

08. maí 2017

Nám fyrir starfsmenn á hvalaskoðunarbát

Á næsta skólaári mun fara í gang nám í FSH fyrir leiðbeinendur á hvalaskoðunarskipum á Skjálfanda.  Um er að ræða tvo fimm eininga áfanga á öðru hæfniþrepi sem unnir eru í samstarfi við hvalaskoðunarfyrirtæki á svæðinu, Hvalasafnið á Húsavík og Þekkingarnet Þingeyinga.

26. apríl 2017

Fundur um geðrækt

Miðvikudaginn 3. maí kl. 20 munu nemendur í sálfræði í FSH ásamt kennaranum sínum, Gunnari Árnasyni, halda fræðsluerindi um geðrækt og eflingu geðheilsu ungmenna. Fundurinn verður í sal FSH og er öllum opinn.

07. apríl 2017

Páskafrí

Páskaleyfi hefst að lokinni kennslu í dag, föstudaginn 7. apríl. Skólinn hefst aftur miðvikudaginn 19. apríl samkvæmt stundaskrá. Gleðilega páska.

05. apríl 2017

Kvenfélag Húsavíkur færir FSH gjöf

Kvenfélag Húsavíkur hefur fært FSH rúmlega 100.000 kr. að gjöf. Gjöfin er veitt úr sjóði Þórunnar Hafstein sem hún stofnaði til styrktar börnum og ungmennum á svæðinu. Hulda Jónsdóttir formaður Kvenfélagsins afhenti gjöfina í afmælishátíðinni á föstudag.

31. mars 2017

FSH 30 ára

1. apríl 1987 var undirritaður stofnsamningur FSH og skólinn því orðinn 30 ára. Af því tilefni gerðu nemendur og starfsmenn sér glaðan dag, léku sér í Höllinni, borðuðu pizzur og sungu saman á Fosshóteli.

27. mars 2017

Skólafundur um geðheilsu í skólum

Á fimmtudaginn var haldinn skólafundur undir yfirskriftinni Geðheilsa í skólum. Nemendur FSH auk nemenda 10. bekkjar í Borgarhólsskóla sátu fundinn sem Aðalbjörn Jóhannsson, formaður Ungmennaráðs UMFÍ, leiddi ásamt útskriftarnemendum af félags- og hugvísindabraut.

27. febrúar 2017

Fardagar

Kæru nemendur! Nemendum FSH stendur til boða að taka þátt í fardögum á bilinu 6.-10. mars. Fardagar er samstarfsverkefni aðildarskóla Fjarmenntaskólans og geta nemendur skólanna tekið þátt í smiðjum hver hjá öðrum og fengið einingu fyrir.

20. febrúar 2017

Nýr starfsmaður

Arna Ýr Arnarsdóttir nýr skóla og fjármálafulltrúi, hóf störf hjá okkur í FSH í dag 20. febrúar 2017.Við bjóðum hana hjartanlega velkomna til starfa.

17. janúar 2017

Nemendur sigra Bréfamaraþon Íslandsdeildar Amnesty International

Í morgun veitti Íslandsdeild Amnesty International FSH mannréttindaviðurkenningu fyrir framúrskarandi árangur í bréfamaraþoni samtakanna í þágu virðingar og verndar mannréttinda. Hér má sjá stjórn NEF ásamt fulltrúum Amnestysamtakanna með viðurkenninguna fyrir 1. sætið í ,,Bréf til bjargar lífi".

02. janúar 2017

Upphaf vorannar 2017

Kæru nemendur. Skóli hefst kl. 8:15 miðvikudaginn 4. janúar með umsjónarfundi. Kennsla hefst samkvæmt stundaskrá 9:20. Töflubreytingar verða í boði hjá aðstoðarskólameistara frá 9:20-11:45 á miðvikudaginn og 8:15-11:45 dagana 5.-10. janúar.

29. desember 2016

Vorönn 2017 hefst 4. janúar

Vorönn 2017 hefst miðvikudaginn 4. janúar á því að allir nemendur mæta í umsjónartíma kl. 8:15 Nemendur á félags- og hugvísindabraut (aðrir en útskriftarnemar): Rakel Dögg Hafliðadóttir, stofa 7 Nemendur á náttúruvísindabraut (aðrir en útskriftarnemar): Gunnar Baldursson, stofa 9 Nemendur á almennri braut: Ingólfur Freysson, stofa 5 Útskriftarnemar og nemendur á ótilgreindri braut: Herdís Þ.

22. desember 2016

Jólafrí (1)

Skrifstofa FSH verður lokuð 23.-28. desember. Starfsfólk sendir núverandi og fyrrverandi nemendum skólans, fjölskyldum þeirra og öllum hollvinum  hugheilar jóla- og nýárskveðjur með þökkum fyrir ánægjulegt samstarf og von um að nýja árið færi ykkur öllum gæfu og gleði.