2016

03. ágúst 2016

Dóra Ármannsdóttir skólameistari lætur af störfum

Dóra Ármannsdóttir skólameistari lét af störfum við FSH 31. júlí. Skólinn hefur notið öflugra starfskrafta Dóru í næstum aldarfjórðung fyrst sem íslenskukennara og nú síðustu ár sem skólameistara. Hún fær innilegar þakkir fyrir dygg og góð störf og óskir um velgengni á nýjum vettvangi.

16. júní 2016

Sumarfrí!

Vegna framkvæmda í skólanum er lokað í næstu viku 20. - 24. júní. Hægt er að ná í skólameistara í síma 899-2127 eða netfangið doraa@fsh.is. Sumarleyfi hefst 1. júlí  og er til 10. ágúst.

10. júní 2016

Skólagjöld

Athygli er vakin á að greiðsluseðlar verða ekki sendir út til eldri nemenda vegna skólagjalda FSH fyrir haustönn 2016 og munu þeir því einungis birtast í heimabanka. Óski einhver eftir því að fá greiðsluseðil sendan heim er hægt að hafa samband við skrifstofu skólans þegar hún opnar eftir sumarleyfi, 8. ágúst eða senda tölvupóst á netfangið sbk@fsh.

29. maí 2016

Brautskráning í FSH!

Í gær brautskráði Framhaldsskólinn á Húsavík 15 nemendur við hátíðlega athöfn í Húsavíkurkirkju að viðstöddu fjölmenni. Þetta var 29. brautskráning skólans. Stúdentar voru 14, 8 af félagsfræðibraut og 6 af náttúrufræðibraut.

24. maí 2016

Sjúkra- og endurtökupróf

Sjúkra- og endurtökupróf verða haldin á morgun, miðvikudaginn 25. maí. Kl. 8:30 verða próf í STÆR2VH05(31), EFN313 OG AUUM1AU05(11) og kl. 13 í SAGA2YS05(21) og LANF2NM05(11).

12. maí 2016

Stúdentsefni dimmitera!

Í fyrrinótt sprelluðu stúdentsefni FSH og vöktu starfsfólk skólans með söng og súkkulaði. Tilefnið var að nú er kennslu lokið á skólaárinu og prófin fara í hönd. Stúdentsefnin þökkuðu fyrir samfylgdina með því að bjóða í pítsur og sungu litla bragi um starfsfólk skólans.

26. apríl 2016

Einingar fyrir félagsstörf!

Frestur til að sækja um einingar fyrir félagsstörf á skólaárinu rennur út fimmtudaginn 28. apríl. Vinsamlegast sendið póst á aðstoðarskólameistara á joney@fsh.

08. apríl 2016

Vertu næs!

Góðir gestir heimsóttu skólann á miðvikudag. Það voru Juan og Anna frá Rauða krossinum sem fluttu á sal afar þarft og gott erindi. En Rauði krossinn stendur þessi misserin fyrir átakinu Vertu næs. Í því felst að við lítum öll í eigin barm og skoðum hvernig við getum lagt okkar af mörkum til að taka vel á móti þeim innflytjendum sem kjósa að búa með okkur hér á Íslandi.