Nemendafélag FSH

6.10.2015

Aðalfundur foreldrafélags FSH

Aðalfundur foreldrafélags FSH var haldinn í skólanum í gærkvöldi. Í foreldraráði eru Róbert Ragnar Skarphéðinsson formaður, Unnur Mjöll Hafliðadóttir, Brynhildur Elvarsdóttir, Sigmar Stefánsson og Sigurveig Rakel Matthíasdóttir. Skólameistari kynnti félagið og starfsemi þess en helstu markmið þess eru: 

• Stuðla að aukinni vitund foreldra/forráðamanna um forsjárskyldur sínar og þekkingu þeirra á réttindum og skyldum sínum og barna þeirra.
• Vera samráðs- og samstarfsvettvangur foreldra/forráðamanna sem starfar í fullu samráði við stjórn Nemendafélags skólans.
• Auka sýnileika og nánd foreldra/forráðamanna sem veiti yfirvöldum, skólastjórnendum, kennurum og nemendum stuðning í skólastarfinu.
• Koma á, efla og tryggja gott samstarf foreldra/forráðamanna og starfsfólks skólans.
• Hvetja til aukins stuðnings og hvatningar foreldra/forráðamanna við börn sín og nám þeirra.
• Vera bakhjarl skólans og auka áhrif foreldra/forráðamanna sem hagsmunahóps um bættan hag og stöðu skólans.
• Standa vörð um réttindi nemenda til menntunar og farsæls þroska.

Vel var mætt á fundinn og góðar umræður um nemendur, skólastarfið og framtíðina.