2008 05

28. maí 2008

Útskrift 2008

Föstudaginn 23. maí s.l. brautskráðust 35 nemendur frá Framhaldsskólanum á Húsavík við hátíðlega athöfn í Húsavíkurkirkju. Við athöfnina flutti Elísabet Anna Helgadóttir nýstúdent tvö lög.  Hún spilaði sjálf undir á píanó í fyrra laginu en undirleikari á gítar í seinna laginu var Friðrik Mar Kristjánsson, nýstúdent.

22. maí 2008

Útskrift föstudaginn 23. maí 2008

Útskrift frá FSH verður í Húsavíkurkirkju föstudaginn 23. maí kl. 14.00, en útskriftarnemar eru beðnir um að mæta kl. 13.30.Alls verða brautskráðir 35 nemendur, þar af 18 með stúdentspróf.

14. maí 2008

Marita fræðsla

  18. apríl síðast liðinn var fræðslufulltrúinn Magnús Stefánsson, frá Marita samtökunum – Hættu áður en þú byrjar, með forvarnarfyrirlestur um fíkniefni fyrir alla nemendur FSH. Í kvöld, miðvikudagskvöldið 14. maí, verður hann með fyrirlestur fyrir foreldra nemenda í FSH og Borgarhólsskóla í stofu 11 í Borgarhólsskóla.

02. maí 2008

Samstarf útskriftarnema FSH og Þekkingarseturs

Samstarf útskriftarnema FSH og Þekkingarseturs   Þekkingarsetrið hefur komið á samstarfi við útskriftarnema Framhaldsskólans á Húsavík við rannsóknarvinnu á vegum stofnunarinnar.  Um er að ræða samstarf um úthringingar á símakönnun sem Þekkingarsetrið vinnur að um þessar mundir.