2007

10. október 2007

Kristbjörn og Anna María eru sannir hollvinir

  Það gladdi hjörtu okkar í FSH ósegjanlega mikið þegar Kristbjörn Óskarsson stóð upp í afmælisveislu FSH og færði skólanum frá sér og Önnu Maríu innrammað grafíklistaverk sem hann hafði unnið sjálfur.

03. október 2007

Lokaráðstefna Social Return

Þann 28. sept.  fór fram í Reykjavík lokaráðstefna og uppgjör fjölþjóða verkefnis sem kennt er við starfsmenntasjóð ESB, Leonardo da Vinci . Þetta þriggja ára verkefni sem fékk hæsta styrk, 425.000 evrur  eða nálægt 40 millj.

28. september 2007

Góð gjöf í tilefni 20 ára afmælis FSH

Einn er sá hollvinur skólans sem fylgist vel með starfinu og lætur sér annt um hann. Björg Sigurðardóttir gleymir honum aldrei á stórafmælum og núna færði hún FSH dýrgrip í bókarformi sem gefin var út 1993 í tilefni af 100 ára afmæli skáldbóndans í Nesi í Aðaldal.

26. september 2007

Hollvinir færa FSH gjöf

  Hollvinir FSH færðu skólanum glæsilega gjöf á afmælishátíðinni. Það var keramikskál eftir listakonuna Jónu Birnu Óskarsdóttur sem útskrifaðist frá FSH 2001 og stundar nú myndlistarnám í Kaupmannahöfn.

25. september 2007

Gjöf frá góðum grönnum.

Framhaldsskólarnir á Norðurlandi, FL, FNV, MA og VMA færðu systurskóla sínum gullfallega veggklukku að gjöf á 20 ára afmælinu. Búið er að setja hana upp á góðum stað á skólagangi og hér eru skólameistari og einn nemandi skólans Sara Stefánsdóttir búin að stilla sér upp hjá klukkunni til myndatöku.

24. september 2007

Einstök stuðningsfjölskylda

      Skólinn á a.m.k. eina afar hugulsama stuðningsfjölskyldu á Húsavík sem sýnir í verki við öll tækifæri að henni er annt um FSH og færir honum gjafir á stórafmælum. Þetta er fjölskyldan á Baughól 56, þau Guðmundur Hólmgeirsson og Helga Jónína Stefánsdóttir og börn þeirra, Stefán, Sædís og Árni.

20. september 2007

Gulldrengir FSH !

Á 20 ára afmælishófi FSH afhenti Erna Björnsdóttir formaður skólanefndar fjórum einstaklingum gullmerki FSH. Það voru þeir Jón Ingi Hannesson fyrsti skólameistari FSH og svo kennararnir Björgvin Rúnar Leifsson, áfangastjóri, Gunnar Baldursson, aðstoðarskólameistari og Ingólfur Freysson, brautastjóri.

18. september 2007

20 ára afmælishátíð FSH

Á laugardaginn var haldið upp á 20 ára afmæli FSH með mikilli veislu á Fosshótel Húsavík.  Þar var boðið upp á vandaða tónlist með stórsöngvurum úr röðum núverandi og fyrrverandi nemenda skólans undir stjórn Guðna Braga.

14. september 2007

Forseti Íslands heiðrar FSH

Herra Ólafur Ragnar Grímsson forseti ætlar að taka þátt í afmælishófi FSH á morgun, laugardag og ávarpa samkomuna. Með þessu sýnir hann skólanum mikinn heiður og fær bestu þakkir fyrir. Þeir sem einnig heiðra samkomuna með nærveru sinni og flytja ávörp eru: Bergur Elías Ágústsson, sveitarstjóri Norðurþings, Valgerður Gunnarsdóttir formaður samstarfsnefndar framhaldsskóla á Norðurlandi, Helena Eydís Ingólfsdóttir formaður Hollvina FSH, Elísabet Anna Helgadóttir formaður nemendafélags FSH og Erna Björnsdóttir formaður skólanefndar FSH.

13. september 2007

FSH 20 ára 15. september

20 ára afmælishóf FSH verður haldið á Fosshóteli Húsavík laugardaginn 15 september og hefst kl. 13.30. Þar munu, auk hefðbundinna ávarpa og gríðarstórrar afmælistertu frá Heimabakaríi, koma fram átta stórsöngvarar úr hópi fyrrverandi og núverandi nemenda skólans undir kraftmikilli stjórn Guðna Bragasonar og hljómsveitar hans.