2005

01. september 2005

Nemendur í FSH taka þátt í Idol !

Nokkrir nemendur úr FSH fóru í söngprufu fyrir Idol keppnina í gær. Þeim Ínu Valgerði Pétursdóttur og Heiði Sif Heiðarsdóttur tókst að komast inn. Dómarar keppninnar í ár eru: Sigga, Bubbi, Einar Bárðar og Páll Óskar.

01. september 2005

Nýr kennari í þýsku og viðskiptagreinum

Sigríður Mjöll Marinósdóttir hefur verið ráðin til kennslu við FSH. Hún er Reykvíkingur, stúdent af náttúrufræðibraut, með háskólapróf í þýsku og viðskiptagreinum og hefur auk þess mikinn áhuga á líffræði og tengdum greinum.

31. ágúst 2005

Busavígsla í FSH

Þessa dagana er verið að vígja nýnema inn í FSH. Mikið hefur verið rætt um busavígslur í framhaldsskólum undanfarin ár og talað um að í sumum skólum tíðkist niðurlægingar og ofbeldi. Menntamálaráðuneytið hefur sent út bréf til skólanna þar sem skólameistarar eru hvattir til að halda vöku sinni í þessum efnum og stuðla að því að athafnir við inntöku nýnema sé með þeim hætti að þeir beri ekki skaða af.

31. ágúst 2005

Nýr félagsmála- og forvarnafulltrúi

Svava Björk Ólafsdóttir hefur verið ráðin félagsmála- og forvarnafulltrúi við FSH fyrir þetta skólaár. Hún kennir auk þess við starfsbraut fyrir fatlaða nemendur skólans. Svava Björk er ættuð úr Húnavatnssýslu, 23 ára gömul og full af hugmyndum og áhuga.

30. ágúst 2005

Nýr skólaritari

Hjördís Sverrisdóttir hefur verið ráðin í starf skólaritara frá 1. ágúst s.l. Hjördís er ættuð úr Reykjadal og hefur alltaf búið í S-Þing. Starfsferill hennar er fjölbreyttur og má þar nefna störf við umönnun í grunnskólum og síðast í verslun Húsasmiðjunnar á Húsavík.

29. ágúst 2005

Nýr námsráðgjafi í FSH

Arnfríður Aðalsteinsdótir hefur verið ráðin námsráðgjafi við FSH í 40% starfshlutfalli og kennari í 60 % starfshlutfalli. Adda vann við skólann á árum áður sem skólaritari og í fyrra kenndi hún við starfsbrautina.

24. ágúst 2005

Framhaldsskólinn settur

Í dag var skólinn settur í 19. sinn. Skólameistari bauð nemendur og starfsfólk velkomið til starfa á göngum skólans sem er eini samkomustaðurinn í skólanum. Skráðir nemendur í skólanum á þessari önn eru 150.Talsverðar endurbætur hafa verið gerðar á skólanum undanfarin tvö ár.

23. ágúst 2005

Starfsdagar í FSH

Á starfsdögum 22. og 23. ágúst hefur starfsfólk FSH setið á tveimur gagnlegum námskeiðum. Á mánudaginn var námskeið fyrir kennara um lesblindu. Fyrirlesari var Elín Vilhelmsdóttir kennari í FÁ.

23. maí 2005

Útskrift 2005

Laugardaginn 21. maí var skólanum slitið í 18. skiptið. Athöfnin fór fram í Húsavíkurkirkju að viðstöddu fjölmenni. Útskrifaðir voru 19 stúdentar, 1 nemandi af viðskiptabraut, 2 af almennri braut og 7 af almennri braut - endurmenntun.

20. maí 2005

Síðasti umsjónartími annarinnar

Í gær var síðasti umsjónartími annarinnar. Skólinn vill vekja athygli á góðum námsárangri meðal nemenda sem ekki eru að útskrifast og því eru verðlaunaðir einn eða tveir af hverju námsári.