Laugardaginn 25. maí sl. voru 17 nemendur útskrifaðir frá Framhaldsskólanum á Húsavík, 15 stúdentar, 1 af almennri braut og 1 af starfsbraut. Nýstúdentar sáu um tónlistaratriðin og fluttu Harpa Ólafsdóttir og Viktor Freyr Aðalsteinsson þrjú lög við frábærar undirtektir.
Í mars síðastliðnum kom skólafólk á Norðausturlandi saman til þess að ræða nýbreytni í samstarfi skólastiga. Til fundarins boðaði SAMNOR og voru stjórnendur grunnskóla, háskóla og símenntunarstöðva auk sveitastjórnarfólks boðuð á fundinn.
Í síðustu viku voru Dillidagar haldnir hátíðlegir í FSH. Þeir voru settir í hádeginu á þriðjudeginum og enduðu á föstudagskvöldinu með frábærri árshátíð. Við þökkum öllum þeim sem tóku þátt í Dillidögunum fyrir skemmtilega daga.
Síðastliðinn þriðjudag komu fulltrúar frá Soroptimistaklúbbi Húsavíkur færandi hendi og afhentu starfsbraut skólans rausnarlega peningagjöf. Peningunum höfðu þær safnað með sölu á Kærleikskúlunni 2018. Við þökkum kærlega fyrir gjöfina, hún mun koma að góðum notum í því frábæra starfi sem unnið er á starfsbraut Framhaldsskólans á Húsavík.
Mikið var um dýrðir á laugardagskvöldið síðasta þegar Tónkvíslin fór fram á Laugum. Alls voru 19 atriði sem tóku þátt en keppt var bæði í grunnskólakeppni og framhaldsskólakeppni. Keppnin var sýnd í beinni útsendingu á sjónvarpsstöðinni N4 og því mikið lagt í að hafa keppnina sem glæsilegasta.
Mánudaginn 11.febrúar hélt Framhaldsskólinn á Húsavík Útivistardag FSH. Sá dagur var haldinn að frumkvæði nemenda og var liður í Lífshlaupinu sem nemendur og starfsfólk taka þátt í um þessar mundir. Þátttakan var frábær og skemmtu nemendur sér konunglega eins og sjá má á meðfylgjandi myndum.
Vikuna 4.-8. febrúar síðastliðinn stóðu embætti landlæknis og tannlæknafélags Íslands fyrir tannverndarviku. Skilaboðin voru þau að landsmenn ættu að huga betur að tannheilsunni. Heilsuráð Framhaldsskólans á Húsavík leitaði til Lyfju á Húsavík og fengu hjá þeim prufur af tannkremi og munnskoli.
Í dag var mikið stuð í framhaldsskólanum þar sem haldið var uppá síðbúinn bóndadag. Nemendur mættu klæddir eins og bændur, fóru í reiptog og borðuðu súrmat. Einnig var bóndi ársins 2019 í FSH krýndur.
Jöfnunarstyrkur Sækir þú nám fjarri lögheimili og fjölskyldu? Kynntu þér reglur um námsstyrki og leiðbeiningar um skráningu á www.lin.is Eingöngu er hægt að sækja um jöfnunarstyrkinn með rafrænum skilríkjum á heimasíðu okkar www.
Föstudaginn 1. febrúar verður síðbúni bóndadagurinn haldinn í FSH. Bóndi FSH árið 2019 verður krýndur. Allir að taka fram ullarsokkana, ullarpeysurnar, vinnugallana og gúmmískóna og mæta eins og alvöru bóndi í skólann á föstudaginn næsta.
Vegna notkunar á skólanum föstudagskvöldið 14.des þá verður lokað fyrir nemendur sem verða í húsinu að læra klukkan 21:30 og því verða allir að vera farnir út fyrir þann tíma. Ef nemendur hafa hug á að nýta sér aðstöðu skólans um næstu helgi til að læra þá geta þeir haft samband við Gunnu sem opnar fyrir þeim.
Vegna prófatíðar þá mun opnunartími skólans vera lengdur frá 4. desember og út prófatíðina.Opið verður til 22:00 alla virka daga.
Í dag var haldinn söngsalur í FSH. Hér fyrir neðan má sjá nokkrar myndir sem þar voru teknar.
Þriðjudaginn 4.desember ætlum við að hafa jólafatadag hér í FSH.
Á morgun, föstudaginn 14. september ætlum við að hafa bindadag hér í FSH. Verðlaun fyrir alla þá sem mæta með bindi. Við hvetjum alla til að mæta með bindi á morgun í skólann sama hvort um nemanda eða starfsmann er að ræða.
Félagslífið byrjaði af krafti þetta skólaárið, eldri nemendur tóku á móti nýnemum á þeirra fyrsta skóladegi og þeirra beið dagskrá full af fjöri. Fyrsti dagskrárliðurinn var limbó og þar á eftir fylgdi bandýmót og hraðstefnumót svo fátt eitt sé nefnt.
Valgerður Gunnarsdóttir hefur verið ráðin skólameistari FSH. Valgerður starfaði á árunum 1987-1999 sem kennari við FSH, áður en hún flutti sig sem skólameistari að Framhaldsskólanum á Laugum og síðan sem alþingismaður frá 2013-2017. Valgerður hefur lokið BA námi í íslensku og bókmenntafræði frá Háskóla Íslands og uppeldis- og kennslufræðum frá Háskólanum á Akureyri.
